Amerika Birləşmiş Ştatlarının (ABŞ) “Merck & Co.” əczaçılıq şirkəti Böyük Britaniyanın “Verona Pharma” biotexnologiyasını 10 milyard dollar dəyərində almaq üçün müqavilə bağlamağa yaxındır.
Gundelik.az xəbər verir ki, bu barədə “Financial Times” məlumatlı mənbələrə istinadən yazır.
“Merck” “Verona”nın hər bir Amerika depozitar səhmi (ADS) üçün 107 dollar ödəyəcək. Bu, səhmlərin çərşənbə axşamı bağlanış qiymətindən 23% çoxdur.
Məlumata əsasən, şirkətlər arasında danışıqlar qabaqcıl mərhələdədir və sövdələşmə çərşənbə günü elan edilə bilər.
Əgər razılaşma baş tutarsa, bu, “Merck”in 2023-cü ildə “Prometheus Biosciences”i 10,8 milyard dollara almasından bəri ən böyük alışı olacaq.
Qeyd edək ki, “Verona” tənəffüs xəstəlikləri üçün dərmanlar üzrə ixtisaslaşıb.
Gundelik.az
