“Qiyamət günü radiostansiyası” yenidən işə düşdü: dörd müəmmalı mesaj yayımlandı
“Qiyamət günü radiostansiyası” şər və kvas haqqında mesajlar yayımlayıb
UVB-76 radiostansiyası tərkibində “şər”, “heyranlıq”, “kvas” və “ləzzət” sözlərinin yer aldığı dörd mesaj yayımlayıb.
Gundelik.az xəbər verir ki, bu barədə onun efirini izləyən “UVB-76 lоги” Telegram kanalı məlumat yayıb.
“Qiyamət günü radiostansiyası” adlandırılan stansiya Moskva vaxtı ilə saat 09:11-də yayıma başlayıb. İlk mesaj “zевосторг” sözündən ibarət olub. Düz 40 dəqiqə sonra ikinci mesaj səsləndirilib. Bu dəfə mesajda “злословье” sözü yer alıb.
Digər iki mesaj isə saat 13:52 və 14:25-də efirə verilib. Onlarda “квасостол” və “смакобол” sözləri olub.
UVB-76 1976-cı ildən yayımlanan qısadalğalı radiostansiyadır. Radiohəvəskarlar arasında “vızıldayan” adı ilə tanınır. Buna səbəb efirin böyük hissəsini səs-küy və xarakterik vızıltının təşkil etməsidir. UVB-76 tezliklərində şifrələnmiş mesajlar ötürülür. Sosial şəbəkə istifadəçiləri bu mesajları dünya hadisələri ilə əlaqələndirirlər.
Daha əvvəl bildirilmişdi ki, həvəskarlar UVB-76 ilə müqayisə edilən yeni nömrəli radiostansiyanın ötürücüsünün yerləşdiyi yeri müəyyənləşdirə biliblər. Həmin stansiya ABŞ və İsrailin İrana zərbələrindən dərhal sonra fars dilində yayıma başlayıb.
Nuri
Gundelik.az
