ABŞ Prezidenti Donald Tramp Qəzza zolağında humanitar böhran və aclıq çəkən uşaqlarla bağlı telefon danışığı zamanı İsrailin Baş naziri Binyamin Netanyahuya qışqırıb.
Gundelik.az xəbər verir ki, bu barədə “NBC News” ABŞ rəsmilərinə istinadən xəbər verir.
Mənbənin məlumatına görə, İsrail hökumətinin başçısı Amerika liderinə Qəzza zolağında baş verən kütləvi qıtlığın guya həqiqətə uyğun olmadığını və bu barədə xəbərlərin Həmas tərəfindən uydurulduğunu deyib.
“Tramp Netanyahunun sözünü kəsdi və qışqırmağa başladı və dedi ki, o, aclığın hiylə olduğunu və köməkçilərinin ona sübutlar göstərdiyini eşitmək istəmir”, – nəşrin mənbəsi bildirib.
Tramp həmçinin Qəzzada çox ac görünən uşaqların şəkillərini gördüyünü, orada əsl aclıq olduğunu və bunu saxtalaşdırmağın mümkün olmadığını deyib.
Bundan əvvəl İsrail Nazirlər Kabinetinin Netanyahunun Qəzzanı işğal etmək qərarını təsdiqlədiyi bildirilirdi. N12 anklavı işğal etmək planları haqqında da məlumat verib. Mənbənin sözlərinə görə, hərbi əməliyyatlar, o cümlədən HƏMAS hərəkatının israilliləri girov saxladığı ərazilərdə aparılacaq.
Eyni zamanda, Əl Ərəbiyyə telekanalı bildirib ki, HƏMAS regionda aclıq və təhlükəsizlik vəziyyətinin ağır olması səbəbindən Qəzza zolağında təhlükəsizlik vəziyyətinə nəzarəti itirib.
Netanyahu özü bildirib ki, İsrailin “bütün 26 millik Qəzza zolağına nəzarəti ələ alacağını nəzərdə tutursunuzmu?” sualına İsrailin baş naziri belə cavab verib: “Biz onu saxlamaq istəmirik. Biz təhlükəsizlik perimetrinə malik olmaq istəyirik. Biz ona nəzarət etmək istəmirik”.
Gundelik.az
