ABŞ Prezidenti Donald Tramp Rusiya Təhlükəsizlik Şurasının sədr müavini Dmitri Medvedevə kobud cavab verib və ondan sözlərinə diqqət etməsini istəyib.
Gundelik.az xəbər verir ki, o bu barədə “Truth” sosial şəbəkəsindəki səhifəsində yazıb.
“Rusiyanın uğursuz keçmiş prezidenti, hələ də özünü prezident hesab edən Medvedevə deyin ki, sözlərinə baxsın. O, çox təhlükəli əraziyə daxil olur!”, – Amerika lideri bildirib.
Bundan əvvəl Medvedev Trampın bəyanatlarına münasibət bildirib və onları Rusiya ilə müharibəyə aparan ultimatum oyunu adlandırıb. O, Amerika liderinin “yuxulu Bayden”in yolu ilə getməməli olduğunu vurğulayıb.
Gundelik.az
