Mədəniyyət və cəmiyyət

Keçən il ərzində Azərbaycanda valideyn himayəsindən məhrum olmuş 149 uşaq övladlığa verilib. Bu barədə Gundelik.az-ın sorğusuna cavab olaraq Sosial Xidmətlər Agentliyindən məlumat verilib. Qeyd edilib ki, həmin müddətdə 40 uşaq (2024-cü ildə 30) isə himayədar ailələrə yerləşdirilib. Xatırladaq ki, valideyn himayəsindən məhrum olmuş uşaqların övladlığa götürülməsinin və himayədar ailələrə yerləşdirilməsinin təşviqi məqsədilə işlər davam etdirilir.

2025-ci ildə Dövlət Komitəsi və Dövlət Komitəsinin tabeliyində olan Uşaq və Ailələrə Dəstək Mərkəzləri tərəfindən 60 erkən evlilik halı ilə bağlı araşdırmalar aparılıb. Bu barədə Gundelik.az-ın sorğusuna cavab olaraq Ailə, Qadın, Uşaq Problemləri üzrə Dövlət Komitəsindən məlumat verilib. Bildirilib ki, aidiyyəti qurumlarla birgə 41 erkən evlilik halının qarşısı alınıb, 12 fakt təsdiqini tapmayıb.

Tovuz rayonunda yerləşən Mədəniyyət Mərkəzinin əsaslı təmir işlərinə başlanılır. Gundelik.az bu barədə Mədəniyyət Nazirliyi Əsaslı Tikinti və Təchizat MMC bununla bağlı hazırlıqları yekunlaşdırıb. Belə ki, qurum təmir işlərini “Azsur Group” şirkətinə həvalə edib və onunla müqavilə bağlayıb. Müqavilənin maliyyə dəyəri 383 min 500 manat olaraq müəyyən edilib.

Prezident İlham Əliyevin Sərəncamına əsasən Dünya Azərbaycanlılarının Həmrəyliyi Günü və Yeni il bayramı münasibətilə 2025-ci il 30 dekabr tarixinə ünvanlı sosial yardım alan ailələrin hər birinə 200 manat birdəfəlik maddi yardımın ödənişi təmin edilib. Bu barədə Gundelik.az-a Əmək və Əhalinin Sosial Müdafiəsi Nazirliyindən məlumat verilib. Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə