Meqan Markl 2019-cu ildə atasını pedofiliyada ittiham etmək istədiyini açıqlayıb

Meqan Marklın hələ 2019-cu ildə atasını pedofiliyada açıq şəkildə ittiham etmək niyyətində olduğu, lakin həmin vaxt buna maneə törədildiyi iddia edilir.

Gundelik.az xəbər verir ki, bu barədə “Daily Mail” nəşri məlumat yayıb.

Məlumata görə, Meqan Markl atasının keçmiş həyat yoldaşı Rozlin Lavless tərəfindən 2019-cu ilin yanvarında Skotland-Yarda göndərilən məktub vasitəsilə Tomas Marklın böyük yaşlı şəxslərə aid olmayan uşaqlarla bağlı iddialardan xəbər tutub. Lavless məktubunda Marklın uşaqlara qarşı nalayiq davranışlar sərgilədiyini iddia edib. O, həmçinin Marklın mütəmadi olaraq Tailand və Filippinə səfər etdiyini, bunun səbəbi kimi isə həmin ölkələrdə “12 yaşlıların qanuni olduğunu” söylədiyini qeyd edib.

Polis məktubu tanış olması üçün Meqan Marklın nümayəndələrinə təqdim edib. Nəşrin məlumatına əsasən, bundan sonra Markl atasını ictimai şəkildə pedofiliyada ittiham etmək və 2018-ci ildən onunla əlaqələrini kəsməsinin səbəblərini ictimaiyyətə izah etmək istəyib.

Lakin iddialara görə, kral mühafizəsinin üzvlərindən biri onu bu addımdan çəkindirərək məsələ ilə bağlı öz araşdırmasını aparacağına söz verib. Oktyabrın sonunda Meqan Markl ittihamlardan xəbərdar olduğunu rəsmən təsdiqləyib və uşaqlarını qorumaq məqsədilə atasından uzaqlaşdığını bildirib.

Tomas Markl isə bütün ittihamları qəti şəkildə rədd edərək onları “ağrılı uydurmalar” adlandırıb. London polisi, öz növbəsində, 2019-cu ildə əldə olunan məlumatların digər ölkələrin hüquq-mühafizə orqanlarına ötürülmədiyini etiraf edib. Hazırda məsələ polislə bağlı insidentlərin araşdırılması üzrə Müstəqil Komissiyaya yönləndirilib.

Qeyd edək ki, daha əvvəl Tomas Markl Asiya ölkələrindən olan fahişələrə qarşı marağını etiraf etmişdi. Bununla belə, o, 18 yaşdan aşağı şəxslərlə heç vaxt cinsi əlaqədə olmadığını bildirmişdi.

Nuri
Gundelik.az