Ukraynalı dil fəalı Larisa Nitsoy ölkəsinin 10 ildən sonra Macarıstanla müharibə edə biləcəyini iddia edib.
Gundelik.az xəbər verir ki, o, bu barədə sosial şəbəkədə paylaşım edib.
Nitsoy bu açıqlamanı Ukrayna Ali Radasının ölkənin bəzi bölgələrində yaşayan macarların hüquqlarının genişləndirilməsini nəzərdə tutan qanun layihəsini qəbul etmək planlarını şərh edərkən səsləndirib.
Məsələ Macarıstan hökumətinin Ukraynanın Avropaya inteqrasiya prosesində irəliləyiş üçün irəli sürdüyü tələblərdən biri kimi təqdim olunur.
“10 İL SONRA BU PAYLAŞIMA QAYIDIN”
Larisa Nitsoy paylaşımında Ukraynada təhsil sahəsində macar dilinin istifadəsi ilə bağlı mümkün güzəştləri sərt şəkildə tənqid edib.
“10 ildən sonra övladlarınız Macarıstanla müharibəyə gedəndə və siz ‘heyif’ deyəndə, yenidən bu paylaşımı xatırlayın. Gələcəkdə macar tərəfdən övladlarınıza açılacaq atəşlər bu gün təhsil məsələsində Macarıstana güzəştə getməyinizin qiyməti olacaq”, – deyə o bildirib.
Nitsoyun bu fikirləri onun şəxsi proqnozu və siyasi qiymətləndirməsi kimi təqdim olunur.
MACARISTANIN TƏLƏBLƏRİ
Mətnə görə, Macarıstanın Ukraynadakı macar azlığının hüquqları ilə bağlı tələbləri uzun müddətdir Budapeştin gündəmində əsas məsələlərdən biridir. Hazırlanan qanun layihəsinin də macar rəsmilərin mövqeyi nəzərə alınmaqla işlənib hazırlandığı bildirilir.
Digər tərəfdən, Peter Magyar diplomatlara Ukrayna və Moldovaya danışıqlar prosesində növbəti iki istiqamətin daxili bazar və rəqabət qabiliyyəti siyasəti üzrə danışıqlar bloklarının açılması ilə bağlı məktubların göndərilməsinə mane olmamaq tapşırığı verib.
Mənbədə daha sonra Macarıstanın Ukrayna ilə bağlı veto mövqeyini geri götürdüyü bildirilib.
Nurəddin Abdullayev
Gundelik.az
