Bir qrup jurnalist İsraildə sosial şəbəkələrdə yayılan bəyanatlarında bildiriblər ki, blokada səbəbindən aclıqdan əziyyət çəkən uşaqlarla həmrəylik məqsədilə iki gün əvvəl aclıq aksiyasına başlayıblar.
Bu barədə Gundelik.az xarici mediaya istinadən xəbər verir.
“Qəzzada ən kiçik uşaq yemək yeyənə qədər” bu aksiyanı davam etdirəcəklərini bildirən jurnalistlər beynəlxalq ictimaiyyəti üzərinə düşən məsuliyyəti yerinə yetirməyə və “qarın boşluğu hərəkatı”na qoşulmağa çağırıblar.
Qəzzada aclıq böhranı böyüyür
Qəzza Səhiyyə Nazirliyi iyulun 20-də verdiyi açıqlamada bildirib ki, 2023-cü ilin oktyabr ayından bəri humanitar yardımın qarşısının alınması səbəbilə 76-sı uşaq olmaqla 86 fələstinli aclıq və qida çatışmazlığından dünyasını dəyişib.
İsraildəki ərəb icması ilə məşğul olan Yüksək Nəzarət Komitəsi də dünən keçirilən iclasda Qəzzada və İordan çayının qərb sahilində davam edən blokada, aclıq və hücumlara qarşı 3 günlük aclıq aksiyası keçirəcəklərini bəyan edib.
Gundelik.az
