Amerika Birləşmiş Ştatlarında (ABŞ) Milli Aeronavtika və Kosmik Tədqiqatlar İdarəsinin (NASA) keçmiş əməkdaşları da daxil olmaqla 287 nəfər prezident Donald Trampın büdcəni azaltma planlarını sərt tənqid edən məktub yazıb.
Gundelik.az “CNN”ə istinadən xəbər verir ki, NASA-nın indiki və keçmiş 287 əməkdaşının agentliyin müvəqqəti direktoru Şon Daffiyə məktubu daxil edilib.
“The Voyager Memorandumu” adlanan məktubda administrasiyanın NASA-ya planlaşdırdığı missiya öz əksini tapıb. Son altı ayda edilən sürətli və israfçı dəyişikliklər NASA-nın işçi qüvvəsinə dağıdıcı təsir göstərib”, – bəyanatda deyilir.
NASA-da dəyişikliklərin strateji olaraq edilməsi lazım olduğu vurğulanan məktubda “bu özbaşına ixtisarlar qanuna zidd olaraq həyata keçirilib. Bunun həm qurum, həm də ölkə üçün nəticələri ağırdır” ifadəsi işlədilib.
Prezident Tramp iyulun 10-da nəqliyyat naziri Şon Daffini NASA-ya müvəqqəti direktor təyin edib. Həmin gün NASA-nın 2145 yüksək rütbəli əməkdaşının Tramp administrasiyasının federal işçi qüvvəsini azaltmaq səyləri çərçivəsində işlərini tərk etməyə hazırlaşdığı iddia edilib.
Bu şəxslərin əksəriyyətinin Tramp administrasiyasının təklif etdiyi erkən təqaüdə çıxma, işdən çıxma haqqı ilə könüllü ayrılma və ya təxirə salınmış istefa planları əsasında öz vəzifələrindən ayrılacağı təklif edilmişdi.
Gundelik.az
