Meksikanın Yukatan ştatında 6 bal gücündə zəlzələ qeydə alınıb.
ABŞ-nin USGS məlumatına görə, zəlzələ Yukatan ştatının El Progreso şəhərindən 75 kilometr cənub-qərbdə baş verib.
Yeraltı təkanlar şəhər sahilləri yaxınlığında 10 kilometr dərinlikdə qeydə alınıb və maqnitudası 6 olaraq ölçülüb.
Zəlzələdən sonra hər hansı insan tələfatı və ya maddi ziyan barədə məlumat verilməyib.
Bundan əvvəl, iyunun 24-də Venezuelada 39 saniyə fasilə ilə 7,2 və 7,5 bal gücündə iki güclü zəlzələ baş vermişdi.
UNDP iyunun 26-da yaydığı açıqlamada zəlzələlərin birbaşa vurduğu fiziki ziyanın dəyərini 6,7 milyard dollar olaraq qiymətləndirmişdi.
Zəlzələlərdən sonra yaxınları tərəfindən itkin düşdüyü bildirilən şəxslərin sayı iyunun 27-nə olan məlumata görə 68 mini keçmişdi. Son açıqlanan rəsmi məlumatlara əsasən, fəlakət nəticəsində 1 943 nəfər həyatını itirib.
Mənbə:TRT Haber
Hazırladı:Ziyalə Əhmədli
Gundelik.az
