“Bitcoin”in qiyməti iyunun 23-dən bəri ilk dəfə 100 min dollardan aşağı düşüb.
Gundelik.az xəbər verir ki, bu azalma texnologiya sektorunda həddindən artıq qiymətləndirmələr və ABŞ Federal Ehtiyat Sisteminin (FED) ehtiyatlı faiz endirimi ilə bağlı narahatlıqlar fonunda baş verib.
“CoinMarketCap”ın məlumatına görə, qlobal kriptovalyuta bazarının ümumi dəyəri son 24 saatda 6,5 faiz azalaraq 3 trilyon 310 milyard dollara enib. Dünyanın ən böyük kriptovalyutası olan “Bitcoin” son sutkada 5,8 faiz dəyər itirib və Bakı vaxtı ilə saat 01:40-da 100 768 dollardan ticarət olunub. Həftə ərzində isə onun dəyəri 10,6 faiz azalıb.
Analitiklər bildirirlər ki, texnologiya sektorundakı yüksək qiymətləndirmələr investorları ehtiyatlı davranmağa vadar edir. Onların sözlərinə görə, FED-in qərarları və mümkün bazar korreksiyası ilə bağlı narahatlıqlar xüsusilə Asiya bazarlarında daha çox hiss olunur. Bu proses digər kriptovalyutalara da təsir edib – məsələn, “Ethereum”un qiyməti 10,6 faiz azalaraq 3210 dollara düşüb.
Gundelik.az
