İtaliyanın Auqusta limanında “Azeri Light” markalı Azərbaycan neftinin CIF bazasında qiyməti əvvəlki göstərici ilə müqayisədə 0,51 ABŞ dolları və ya 0,7% artaraq bir barel üçün 69,39 ABŞ dolları təşkil edib.
Bu barədə Gundelik.az-a neft bazarındakı mənbə məlumat verib.
Bildirilib ki, Türkiyənin Ceyhan limanında “Azeri Light” markalı neftin FOB bazasında bir barelinin qiyməti 0,65 ABŞ dolları və ya 1% artaraq bir barel üçün 66,93 ABŞ dolları olub.
URALS markalı xam neftin qiyməti əvvəlki göstərici ilə müqayisədə 0,54 ABŞ dolları və ya 1,5% artaraq bir barel üçün 36,3 ABŞ dollara çatıb.
Şimal dənizində hasil edilən “Dated Brent” markalı neftin qiyməti isə əvvəlki göstərici ilə müqayisədə 0,69 ABŞ dolları və ya 1% artaraq bir barel üçün 68 ABŞ dolları olub.
Qeyd edək ki, Azərbaycanın 2026-ci il dövlət büdcəsində bir barel neftin orta qiyməti 65 ABŞ dolları səviyyəsində nəzərdə tutulub.
