Amerika Birləşmiş Ştatlarının (ABŞ) “National Security Journal” (NSJ) nəşrinin köşə yazarı Stiven Silver hesab edir ki, Rusiya sanksiyalar və sənaye sahəsindəki problemlər səbəbindən altıncı nəsil MiQ-41 qırıcısını istehsal edə bilməyəcək.
Gundelik.az xəbər verir ki, Silver bu fikri Rusiyanın Əməkdar Pilotu Vladimir Popovun PAK DP (Qabaqcıl Uzaqmənzilli Hava Desantının Qarşısının Alınması Kompleksi) layihəsi çərçivəsində MiQ-41 ola biləcək yeni nəsil tutma təyyarəsinin hazırlanması ilə bağlı açıqlamasını şərh edərkən bildirib.
Onun sözlərinə görə, kosmosa çıxış imkanına malik və Mach 4.3 sürətinə çata bilən belə bir təyyarənin reallaşma ehtimalı azdır. “Aparat hazır olana qədər MiQ-41 daha çox hekayəyə bənzəyəcək. Bu isə Rusiyanın aerokosmik ambisiyalarının onun sənaye imkanlarını üstələdiyini göstərir”, – NSJ yazır.
Müşahidəçi vurğulayıb ki, Rusiya əvvəlcə beşinci nəsil Su-57 qırıcısı ilə bağlı bütün texniki və istehsal məsələlərini həll etməlidir.
Qeyd edək ki, Polşanın Defence24 nəşri daha əvvəl yazmışdı ki, Rusiya Aerokosmik Qüvvələri 2025-ci ildə ixrac sifarişləri səbəbindən yeni Su-30 və Su-57 döyüş təyyarələrini hələ də almayıb.
Xatırladaq ki, 2024-cü ilin yanvarında Federasiya Şurasının Müdafiə və Təhlükəsizlik Komitəsi sədrinin birinci müavini Viktor Bondarev PAK DP layihəsi çərçivəsində MiQ-41 altıncı nəsil tutma qırıcısının hazırlanmasının davam etdiyini bildirmişdi.
Gundelik.az
