Yəməndəki Husilərin lideri Abdel-Malik əl-Husi, ABŞ-ın bölgəyə daha bir təyyarədaşıyan gəmi göndərmək qərarını Vaşinqtonun Husilərlə mübarizədə uğursuzluğunun sübutu kimi qiymətləndirib. Tramp administrasiyası Qırmızı dənizdəki gəmiçiliyə və İsrailə edilən raket hücumlarını dayandırmaq üçün Yəməndə hərbi əməliyyatlar aparır. Lakin Husilər bildirirlər ki, İsrail Qəzzaya qarşı hücumları və blokadanı dayandırmayana qədər hərbi əməliyyatlarını davam etdirəcəklər. “Amerikalılar bir təyyarədaşıyan gəmi ilə böyük gücləri qorxudurdular, lakin Yəməndə öz uğursuzluqlarını etiraf edirlər,” – deyə əl-Husi Al Masirah TV kanalına açıqlamasında bildirib.
Gundelik.az
