Benjamin Netanyahu İsrail ordusuna Livanda Hezbollah hədəflərinə qarşı “qətiyyətli və güclü hücumlar” həyata keçirməyi əmr edib. Bu qərar atəşkəsin daha üç həftə uzadılmasından cəmi iki gün sonra verilib.
Əmrə paralel olaraq İsrailin yeni zərbələri nəticəsində Livanın cənubunda azı 6 nəfər həlak olub. Qarşılıqlı hücumlar tərəflər arasında onsuz da kövrək olan atəşkəs razılaşmasını daha da risk altına salıb.
Hadisənin detalları
Livanın Nabatiyyə bölgəsində yerləşən Yohmor əl-Şəqif qəsəbəsində yük maşını və motosikletə zərbə endirilib, nəticədə 4 nəfər ölüb.
Bint Cbeil rayonunun Safad əl-Battix qəsəbəsində hücum zamanı 2 nəfər ölüb, 17 nəfər yaralanıb.
Israel Defense Forces (IDF) bildirib ki, hücumlar zamanı silahlı Hizbullah üzvləri “zərərsizləşdirilib”.
İsrail ordusu əlavə edib ki, Livanın cənubunda saxladıqları “təhlükəsizlik zonası”nda yerləşən qüvvələrinə təhlükə yaradan şəxslər də hədəfə alınıb.
Qarşı tərəfin reaksiyası
Hizbullah isə cavab olaraq İsrail hərbi texnikasına hücum etdiyini açıqlayıb. Livanın rəsmi xəbər agentliyi müxtəlif bölgələrdə ardıcıl hava zərbələri barədə məlumat yayıb.
Jurnalistlərin hədəfə alınması iddiası
Hadisələr fonunda Media Freedom Coalition jurnalistlərə qarşı hücumları “qəbuledilməz” adlandırıb. Son hücumlarda livanlı jurnalist Amal Xəlil həyatını itirib, fotoqraf isə yaralanıb.
İsrail ordusu isə jurnalistlərin qəsdən hədəf alınmadığını bildirib.
Mənbə: BBC
Hazırladı: Ziyalə Əhmədli
Gundelik.az
