ABŞ Prezidenti Donald Tramp Ukrayna ilə faydalı qazıntıların çıxarılmasına dair sazişin imzalanmasını şərh edərkən bildirib ki, o, bu sazişdən Amerikanın əvvəlki administrasiyasının Kiyevi dəstəkləmək üçün xərclədiyi 350 milyard dollardan çox pul alacağına ümid edir.
Gundelik.az xəbər verir ki, bu barədə “News Nation” məlumat yayıb.
“Biz nəzəri olaraq 350 milyard dollardan çox qazanacağımız bir müqavilə bağladıq”, – prezident “News Nation”a deyib.
O, əlavə edib ki, sövdələşmə Baydenin onlara təhvil verdiyi 350 milyard dolların geri qaytarılmasını nəzərdə tutur.
Tramp Vatikanda Ukrayna prezidenti Volodimir Zelenski ilə söhbətinin məzmunu ilə bağlı suala belə cavab verib: “Mən ona dedim ki, biz razılaşa bilsək, çox yaxşı olar və siz onu imzalayırsınız”.
Amerika lideri ABŞ-nin Ukraynada olması Rusiyanın regionda irəliləməsinə mane ola bilərmi sualına da müsbət cavab verib.
ABŞ Maliyyə Nazirliyinin daha əvvəl bildirdiyi kimi, Amerika və Ukrayna hakimiyyət orqanları Ukraynanın bərpası üçün investisiya fondunun yaradılması haqqında saziş imzalayıblar.
Bəyanatda qeyd edilib ki, məqsəd Ukraynanın iqtisadi bərpasını sürətləndirmək üçün birgə investisiyalar olacaq.
“Bu saziş Rusiyaya aydın siqnaldır ki, Tramp administrasiyası azad, suveren və firavan Ukraynada uzunmüddətli perspektivə əsaslanan sülh prosesinə sadiqdir”, – nazirlik bildirib.
Öz növbəsində “Bloomberg” mənbələrə istinadən xəbər verir ki, saziş ABŞ-yə Ukraynadakı təbii ehtiyatlarla bağlı layihələrə imtiyazlı çıxış imkanı verəcək. Buraya başqa şeylər arasında neft, qaz, qrafit və alüminium daxildir.
Gundelik.az
