ABŞ Prezidenti Donald Trump, Ağ Evdə etdiyi “Millətə Müraciət”də İran gündəminə dair son vəziyyəti qiymətləndirdi.
ABŞ-ın İran’a qarşı “Epik Qəzəb Əməliyyatı” başladığı zaman qoyduqları hədəflərin əksəriyyətinə çatdıqlarını vurğulayan Trump, yaxın zamanda hücumlarını tamamlayacaqlarını bildirdi.
Trump dedi:
“Bu axşam, (İran’da) əsas strateji hədəfləri tamamlamaya yaxın olduğumuzu bildirmək istəyirəm. Amerika’nın bütün hərbi hədəflərini çox qısa müddət içində tamamlama yolundayıq, amma önümüzdəki 2-3 həftə içində onlara çox sərt zərbə vuracağıq.”
“Bu hücumlarla İran’ı Daş Dövrünə geri göndərəcəyik”
ABŞ Prezidenti, bu hücumlarla İran’ı aid olduqları yer olan “Daş Dövrünə” geri göndərəcəklərini söylədi.
ABŞ-ın xüsusilə İsrail, Səudiyyə Ərəbistanı, Qatar, Birləşmiş Ərəb Əmirlikləri (BAE), Küveyt və Bəhreynə təşəkkür borclu olduğunu və bu ölkələrə müdafiə dəstəyi verməyə davam edəcəyini dedi:
“Bu işi çox sürətlə bitirəcəyik. Sonuna çox yaxınlaşdıq.” ifadələrini istifadə etdi.
Anlaşma olmazsa elektrik stansiyalarını vuracağıq
Trump, İran’dakı məqsədlərinin heç vaxt rejim dəyişdirmək olmadığını, amma idarədəki şəxslərin öldürülməsi ilə bir növ “rejim dəyişdiyi” iddiasını irəli sürdü:
“Əgər bu müddət ərzində anlaşma təmin edilməzsə, elektrik stansiyalarının hər birini vuracağıq.”
ABŞ Prezidenti, İran’ın neft zavodlarını isə “bu ölkə xalqına bir şans vermək istədikləri üçün” vurmayacaqlarını dedi.
NATO ölkələrinə Hörmüz Boğazı mesajı
ABŞ olaraq Hörmüz Boğazından keçən neftə heç bir şəkildə ehtiyaclarının olmadığını xatırladan Trump dedi:
“Buna ehtiyacımız yoxdur. Hörmüz Boğazı üzərindən neft alan ölkələr, o keçidi qorumaqla öhdəliklidir. Onu ələ keçirməli və dəyərini bilməlidirlər. Bunu asanlıqla edə bilərlər.”
Trump, ABŞ-ın Rusiya və Səudiyyə Ərəbistanının ümumi ehtiyatından daha çox neftə sahib olduğunu və Orta Şərqdəkı neftə ehtiyaclarının qalmadığını iddia etdi.
ABŞ-ın İran ordusuna böyük zərbələr vurduğunu iddia edən Trump, NATO ölkələrinin “asanca” Hörmüz Boğazını “idarə altına” ala biləcəyini söylədi:
“Bunu daha əvvəl etməliydiniz. Boğaza gedin və ora alın, özünüz üçün istifadə edin.” deyərək, ABŞ olaraq lazım gəlsə kömək edəcəklərini bildirdi.
Venesuela’ya qarşı hərbi müdaxilədən sonra bu ölkədən gələn neftlə birlikdə ABŞ-ın Orta Şərqdən “tamamilə müstəqil” hala gəldiyini iddia edən Trump:
“Orada olmaq məcburiyyətində deyilik. Onların neftinə ehtiyacımız yoxdur. Müttəfiqlərimizə yardım etmək üçün oradayıq.” ifadələrini istifadə etdi.
Mənbə: BBC
Hazırladı: Ziyalə Əhmədli
Gundelik.az
