ABŞ fond indeksləri yeni rekord həddə yüksəlib
Amerika fond bazarları bazar ertəsi ticarət sessiyasını artımla başa vuraraq yeni rekord həddə çatıb. Artım Çin və ABŞ arasında mümkün ticarət razılaşması, eləcə də Federal Ehtiyat Sisteminin (FED) uçot dərəcəsini azaldacağı gözləntiləri fonunda müşahidə olunub. ABŞ Maliyyə Naziri Skott Bessent bazar günü açıqlamasında bildirib ki, Vaşinqton və Pekin ticarət razılaşmasının əsas şərtləri üzrə razılığa gəliblər.