Çərşənbə axşamı ABŞ fond bazarında əsas indekslər artımla bağlanıb. “S&P 500” və “Nasdaq” bütün zamanların ən yüksək göstəricilərinə yüksəlib.
İnvestorların Federal Ehtiyat Sisteminin yaxın günlərdə faiz dərəcələrini azaldacağına dair gözləntiləri bazarda optimizmi gücləndirib. ABŞ Əmək Departamentinin son hesabatına görə, 2025-ci ilin martına qədər son 12 ayda yaradılan iş yerlərinin sayı əvvəlki proqnozdan 911 min az olub. Bu, son 20 ildə əmək bazarı göstəricilərinə edilən ən böyük düzəlişdir. Orta aylıq artım əvvəlki 149 min əvəzinə 76 min göstərilib.
Milli Müstəqil Biznes Federasiyasının məlumatına görə, avqustda kiçik biznes nikbinlik indeksi 100,8 bəndə yüksələrək yanvardan bəri ən yüksək həddə çatıb. Analitiklər 101 bəndlik artım gözləyirdilər.
Şirkət xəbərləri fonunda bir sıra səhmlərdə kəskin dəyişikliklər müşahidə olunub:
-
Nebius Group Microsoft ilə süni intellekt infrastrukturu üzrə 17,4 milyard dollarlıq müqavilə imzaladıqdan sonra səhmləri 49%-dən çox bahalaşıb.
-
Tourmaline Bio səhmləri Novartis tərəfindən 1,4 milyard dollara alınacağı elanından sonra 58% yüksəlib.
-
UnitedHealth Group 8,6% artaraq Dow Jones və S&P 500-də lider olub.
-
Phillips 66 1,6% bahalaşıb və WRB Refining-dəki payını 1,4 milyard dollara alacağını açıqlayıb.
-
Goldman Sachs və JPMorgan Chase müvafiq olaraq 3% və 1,7% yüksəlib. Alphabet 2,4%, Nvidia 1,5%, IBM 1,2%, Amazon 1%, Tesla isə 0,2% bahalaşıb.
-
Əksinə, Dell Technologies CFO-nun istefasından sonra 1,4% ucuzlaşıb.
-
Fox Corp. və News Corp. isə Murdoch ailəsində idarəetmə dəyişiklikləri fonunda müvafiq olaraq 6,7% və 4,5% dəyər itirib.
Digər iri şirkətlərdən Intel 0,2%, Apple 1,5%, Boeing 0,6%, Travellers Cos və American Express isə 0,3% geriləyib.
İndeks göstəriciləri:
-
Dow Jones – 45 711,34 bənd (+0,43%)
-
S&P 500 – 6 512,61 bənd (+0,27%)
-
Nasdaq Composite – 21 879,49 bənd (+0,37%)
