Ailəsinin yaydığı açıqlamaya görə, aktyor təxminən 20 ilə yaxın bipolyar pozuntu ilə mübarizə apardıqdan sonra intihar edib. Carradine ailəsi ölüm səbəbini açıqlamaqla “psixi xəstəliklə bağlı damğalanmaya” diqqət çəkmək istədiklərini bildirib.Qardaşı Keith Carradine Deadline nəşrinə deyib: “İnsanlar bunu bilməlidir və bunda heç bir utanc yoxdur.”“Lizzie McGuire” serialındakı həmkarı Hilary Duff İnstaqramda ona hörmətini bildirərək yazıb: “Bu çox ağrılıdır. Köhnə bir dost haqqında bu reallıqla üzləşmək həqiqətən çətindir.”24 mart 1954-cü ildə anadan olan Robert Carradine aktyor John Carradine-nin ən kiçik oğlu idi və aktyorlar David Carradine və Keith Carradine-in qardaşı idi.Qardaşı Davidin təşviqi ilə o, 1972-ci ildə çəkilən və baş rolda John Wayne-nin oynadığı The Cowboys filmində ilk ekran rolunu alıb.Daha sonra o, Martin Scorsese-nin 1973-cü il filmi Mean Streets-də, Oskar mükafatlı Coming Home (burada Jane Fonda ilə birlikdə), The Long Riders (burada Mark Hamill ilə), The Big Red One və Quentin Tarantino-nun 2012-ci il filmi Django Unchained-də rol alıb.Lakin o, ən çox 1980-ci illərin ən məşhur film franşizlərindən birinə çevrilən “Revenge of the Nerds” filmində baş “nerd” obrazı Lewis Skolnick və 2000-ci illərdə Disney Channel serialı “Lizzie McGuire”də Lizzie-nin atası rolu ilə yadda qalıb.Hilary Duff əlavə edib:“McGuire ailəsində çox istilik var idi və mən həmişə serialdakı valideynlərim tərəfindən qayğı gördüyümü hiss edirdim. Buna görə həmişə minnətdar olacağam. Bobbinin əziyyət çəkdiyini öyrənmək məni çox kədərləndirdi. Ürəyim onun, ailəsinin və onu sevən hər kəsin yanındadır.”Ailəsi bəyanatında onun “sevilən ata, baba, əmi və qardaş” olduğunu vurğulayıb və əlavə edib:
“Bəzən çox qaranlıq görünən bu dünyada Bobbi ətrafındakı hər kəs üçün işıq mənbəyidi.”Onlar həmçinin bildiriblər:“Biz bu gözəl ruhu itirdiyimiz üçün sarsılmışıq və Bobbinin təxminən 20 illik bipolyar pozuntu ilə cəsarətli mübarizəsini qeyd etmək istəyirik. Ümid edirik ki, onun hekayəsi psixi xəstəliklə bağlı damğalanmaya işıq salacaq.”Keith Carradine ayrıca bəyanatında deyib:“Bu, ona qalib gələn bir xəstəlik idi. Mən onun bu xəstəliklə mübarizəsini və gözəl ruhunu qeyd etmək istəyirəm. O, çox istedadlı idi və biz onu hər gün darıxacağıq. Onun nə qədər zarafatcıl, müdrik, qəbul edən və tolerant biri olduğunu xatırlayaraq təsəlli tapacağıq. Mənim kiçik qardaşım məhz belə idi.”
Tərtib etdi:Jalə Əliyeva
Mənbə:BBC
Gundelik.az
