ABŞ mediasının məlumatına görə, Ketrin Şort sosial işçi idi və atasının aktrisa və müğənni Nensi Dolman ilə birlikdə övladlığa götürdüyü üç uşaqdan ən böyüyü idi.Martin Şortun nümayəndəsi BBC News-a açıqlamasında bildirib: “Dərin kədər hissi ilə Ketrin Hartli Şortun vəfat etdiyini təsdiqləyirik. Şort ailəsi bu itkiden sarsılıb və bu çətin vaxtda şəxsi həyata hörmət göstərilməsini xahiş edir.”Hüquq-mühafizə orqanlarındakı mənbələr Los Angeles Times və TMZ-yə bildiriblər ki, onun ölümü ehtimal olunan intihar hadisəsidir. “The Three Amigos”, “Father of the Bride” və “Innerspace” kimi filmlərdəki rolları ilə tanınan aktyor komediya tərəfdaşı Stiv Martin ilə planlaşdırılan bir sıra canlı şoularını təxirə salıb.Viskonsin ştatının Miluoki şəhərində yerləşən Miller High Life Teatrı açıqlamasında bildirib: “Gözlənilməz hallar səbəbilə, 27 fevral cümə gününə planlaşdırılan Steve Martin & Martin Short şousu təxirə salınıb.”Minnesota ştatının Minneapolis şəhərində 28 fevral şənbə günü keçirilməsi nəzərdə tutulan çıxış da təxirə salınıb.Şort bu həftəsonu keçiriləcək Aktyor Mükafatlarında “Only Murders in the Building” serialında Oliver Putnam roluna görə komediya serialında ən yaxşı kişi aktyor nominasiyasına namizəddir.Dolman 2010-cu ildə yumurtalıq xərçəngindən vəfat edib.
Tərtib etdi:Jalə Əliyeva
Mənbə:BBC
Gundelik.az
