Oman sahillərində hərəkət edən tanker hücuma məruz qalıb.
Gundelik.az xəbər verir ki, bu barədə Böyük Britaniya Hərbi Dəniz Qüvvələrinin Dəniz Ticarət Əməliyyatları Mərkəzi (UKMTO) məlumat yayıb.
Bildirilib ki, heyət üzvləri arasında xəsarət alan yoxdur:
“UKMTO Omanın Xasab bölgəsindən 19 kilometr şərq istiqamətində insidentin baş verməsi ilə bağlı məlumat əldə edib. Qeyd olunur ki, gəmiyə naməlum mərmi atılıb və nəticədə sol bortun konstruksiyasına yüngül zərər dəyib. Bütün heyət üzvlərinin vəziyyəti yaxşıdır, hadisənin ekologiyaya mənfi təsiri barədə heç bir xəbər daxil olmayıb”.
