Brent markalı neftin bir bareli beynəlxalq fyuçers bazarlarında 94,96 dollar səviyyəsində ticarət olunur.
Dün 96,90 dollara qədər yüksələn Brent nefti günü 94,93 dollardan bağlayıb.
Bu gün saat 09:22-yə olan məlumata görə, Brent neftinin fyuçers qiyməti bağlanışla müqayisədə təxminən 0,03% artaraq 94,96 dollar olub. Eyni vaxtda, Qərbi Texas (WTI) markalı xam neftin bir bareli 91,61 dollardan alıcı tapıb.
Qiymətlərin artmasına təsir edən amillər
ABŞ-ın İran neftini alan ölkələrə qarşı “ikincil sanksiyalar” tətbiq edə biləcəyi barədə mesajları və ölkədə neft ehtiyatlarının azaldığını göstərən məlumatlar bazarda təkliflə bağlı narahatlıqları artırır.
ABŞ Maliyyə naziri bildirib ki, İran nefti alan ölkələrə qarşı bu sanksiyalar tətbiq oluna bilər. O, İranın Körfəz ölkələrinə qarşı hücumlarını “ciddi səhv” adlandırıb və bu ölkələrin maliyyə axınlarında daha şəffaf olmağa hazır olduqlarını qeyd edib.
Həmçinin İranla əlaqəli şəxslərin və qurumların aktivlərinin dondurulması məsələsi gündəmdədir. ABŞ açıq şəkildə xəbərdarlıq edib:
Əgər İran nefti alırsınızsa
və ya İranın pulları banklarınızda saxlanılırsa sizə qarşı sanksiyalar tətbiq edilə bilər.
Nazir əlavə edib ki, Çin İran neftinin 90%-dən çoxunu alır, bu da onun enerji ehtiyacının təxminən 8%-ni təşkil edir.
Hürmüz boğazındakı gərginlik səbəbindən Çinin alışlarında azalma gözlənilir. ABŞ bəzi Çin banklarına da xəbərdarlıq məktubu göndərib.
Bundan əlavə, Rusiya və İran neftinin dəniz yolu ilə satışına icazə verən müvəqqəti güzəştin uzadılmayacağı bildirilib.
Bu amillər bazarda riskləri artırır və qiymətlərin yüksəlməsinə dəstək verir. Digər mühüm faktor
ABŞ Enerji İnformasiya İdarəsinin (EIA) məlumatına görə, ölkədə xam neft ehtiyatları:
900 min barel azalıb
və 463,8 milyon barelə düşüb
Halbuki bazar 2,1 milyon barel artım gözləyirdi.
Bu gözlənilməz azalma ABŞ-da tələbatın yüksək olduğunu göstərir və qiymətləri yuxarı istiqamətdə dəstəkləyir. Qiymət artımını məhdudlaşdıran amil
Digər tərəfdən, ABŞ və İran arasında danışıqların davam etməsi qiymət artımını bir qədər məhdudlaşdırır.
Məlumata görə:
Atəşkəslə bağlı yekun qərar yoxdur
Amma danışıqlar davam edir
Atəşkəsin uzadılması ehtimalı var
Bu vəziyyət bazarda ehtiyatlı nikbinlik yaradır.
Mənbə: Haber Global
Hazırladı: Ziyalə Əhmədli
Gundelik.az
