NATO müdafiə nazirləri Ankara sammitinə hazırlıq məqsədilə fevralın 12-də Brüsseldə görüşəcəklər.
Gundelik.az xəbər verir ki, bu barədə NATO-nun baş katibi Mark Rutte dünən keçirilən mətbuat konfransında bildirib.
O qeyd edib ki, bu görüşdə Alyansın gələcəkdə müdafiə xərclərinin artırılması məsələsi müzakirə olunacaq:
“Biz müdafiə sənayesi bazamızı genişləndiririk. Daha çox istehsal etməliyik. Bu, daha çox hava hücumundan müdafiə sistemi, daha çox sursat və Alyans daxilində daha güclü təchizat zəncirləri deməkdir”.
O, həmçinin vurğulayıb ki, görüşdə NATO-nun Ukraynaya dəstəyi müzakirə olunacaq:
“Ukrayna bu mübarizə ilə təkbaşına mübarizə apara və ya sülhü təmin edə bilməz. Buna görə də müttəfiqlər Ukraynanı təkcə sözlə deyil, həm də əməllə dəstəkləyirlər. Ukraynaya bütün hərbi dəstəyin 99 faizi NATO müttəfiqləri və tərəfdaşlarından gəlir. NATO bu dəstəyin koordinasiyasını və çatdırılmasını gücləndirməyə davam edir”.
