Rusiyanın baş naziri Mixail Mişustin Pekində Çin sədri Si Cinpinlə görüşüb.
Gundelik.az xarici mediaya istinadən xəbər verir ki, danışıqlar Böyük Xalq Zalının Böyük Şərq zalında keçirilib və bu görüş Mişustinin Çinə iki günlük səfərinin yekunu olub.
Bundan əvvəl Mişustin Xançjouda Çin Dövlət Şurasının sədri Li Tsyan ilə görüşərək peyk naviqasiyası, kənd təsərrüfatı, nüvə materialları və digər sahələrdə əməkdaşlığa dair təxminən on sənəd imzalayıb.
Yeni birgə layihələr enerji yataqlarının işlənməsi, yüksək texnologiyalı avadanlıqların istehsalı, Arktika, kosmos və Ayın kəşfiyyatını əhatə edir.
Mişustin bildirib ki, Moskva ilə Pekin arasında iqtisadi əməkdaşlıq qlobal qeyri-sabitliyə baxmayaraq güclənməkdə davam edir.
Gundelik.az
