Böyük Britaniya və Fransa iyulun 10-da iki dövlətin nüvə qarşısının alınmasının əlaqələndirilməsi haqqında bəyannamə imzalayacaqlar.
Gundelik.az xəbər verir ki, bu barədə “Agence France-Presse” (AFP) Yelisey sarayı və Britaniya hökumətinin bəyanatına istinadən məlumat yayıb.
“Böyük Britaniya və Fransa müstəqil olaraq iki ölkənin nüvə qarşısının alınması vasitələrinin razılaşdırıla biləcəyini elan edəcək… Cümə axşamı günü imzalanacaq bəyannamədə deyilir ki, onların müvafiq çəkindiriciləri müstəqil olaraq qalır, lakin koordinasiya edilə bilər və Avropa üçün hər iki ölkənin reaksiyasına səbəb olmayacaq qədər həddindən artıq təhlükə yoxdur”, – AFP xəbər verir.
May ayında məlum olub ki, Britaniya hökuməti nüvə arsenalını genişləndirməyi planlaşdırır və ABŞ-dən B61 nüvə bombalarını daşıya bilən F-35A qırıcılarının alınması ilə bağlı danışıqlar aparır. Hazırda Britaniya nüvə silahları dörd Vanqard sinfinə aid nüvə sualtı qayıqlarında yerləşdirilib. Bu sualtı qayıqlar Amerikanın Trident II ballistik raketlərini daşıyır.
Mart ayında Fransa Prezidenti Emmanuel Makron ölkəsinin 2035-ci ilə qədər nüvə gücünə malik hipersəs raketləri və yeni nəsil döyüş təyyarələri yerləşdirəcəyini bildirmişdi.
Bundan əvvəl Britaniya dünyanın yeni və təhlükəli nüvə dövrünün astanasında olduğunu bəyan edib.
Gundelik.az
