Filippinin Mindanao bölgəsində 7,4 bal gücündə zəlzələ qeydə alınıb.
Gundelik.az-ın Avropa–Aralıq dənizi Seysmoloji Mərkəzinə istinadən məlumatına görə, yeraltı təkanlar 62 kilometr dərinlikdə baş verib.
Zəlzələdən dərhal sonra Filippin Seysmoloji Agentliyi sunami xəbərdarlığı elan edib. Qurumun açıqlamasına əsasən, dalğalar zəlzələnin episentrindən 300 kilometr məsafədəki sahil ərazilərinə çata bilər. Mərkəzi və cənub sahil şəhərlərinin sakinlərinə dərhal hündür ərazilərə köçmək və mümkün afterşoklara qarşı ehtiyatlı olmaq tövsiyə edilib.
Hazırda dağıntılar və insan tələfatı ilə bağlı rəsmi məlumat yoxdur.
Xatırladaq ki, sentyabrın 30-da Filippinin Palompon bölgəsində 6,9 bal gücündə baş verən zəlzələ nəticəsində 72 nəfər həlak olmuşdu.
Gundelik.az
