Rəcəb Tayyib Ərdoğan ilə Kassym-Jomart Tokayev arasında Astanada keçirilən görüşdə əsas diqqət enerji, ticarət və Orta Dəhliz layihələrinə yönəldi.
Ərdoğan çıxışında bildirib ki, Qazaxıstan neftinin daha böyük hissəsinin Türkiyə üzərindən dünya bazarlarına çatdırılması hədəflənir. O, xüsusilə Xəzər üzərindən keçən “Orta Dəhliz”in həm ticarət, həm də enerji daşımalarında strateji əhəmiyyətinin artdığını vurğulayıb.
Görüş zamanı:
enerji və nəqliyyat əməkdaşlığı,
müdafiə sənayesi layihələri,
investisiya və ticarət əlaqələri,
təhsil və mədəniyyət sahəsində əməkdaşlıq müzakirə olunub.
Ərdoğan həmçinin bildirib ki, Türkiye Maarif Vakfı tərəfindən Astana və Almatıda iki məktəbin açılması üçün işlər başlayıb.
Çıxışında o, 6 fevral zəlzələlərindən sonra Qazaxıstanın Türkiyəyə verdiyi dəstəyi də xüsusi qeyd edib və Gaziantepdə Qazaxıstanın inşa etdiyi məktəbin açılışını xatırladıb.
Səfər çərçivəsində Ərdoğana Hoca Ahmet Yesevi Nişanı da təqdim olunub. O, bu mükafatı Türkiyə–Qazaxıstan qardaşlığının simvolu adlandırıb.
Mənbə:TRT Haber
Hazırladı:Ziyalə Əhmədli
Gundelik.az
