Almaniya iqtisadiyyatı 2025-ci ilin ikinci rübündə əvvəlki üç ayla müqayisədə 0,3% kiçilib.
Gundelik.az xəbər verir ki, bu barədə ölkənin Federal Statistika Agentliyi (Destatis) məlumat yayıb.
Məlumata görə, daha əvvəl 0,1%-lik azalma açıqlanmışdı, lakin son hesabatda rəqəm aşağıya doğru yenidən nəzərdən keçirilib. Bu, 2024-cü ilin ikinci rübündən bəri Almaniya iqtisadiyyatında qeydə alınan ən güclü daralma olub.
Aprel-iyun aylarında ölkədə istehlak xərcləri 0,1%, dövlət xərcləri isə 0,8% artıb. Bununla yanaşı, biznes investisiyaları 1,4%, ixrac 0,1% azalıb, idxal isə 1,6% artıb.
İllik müqayisədə Almaniyanın ÜDM-i əvvəl açıqlanan 0,4% deyil, 0,2% artım göstərib. Birinci rübdə isə həm rüblük, həm də illik əsasda iqtisadi artım 0,3% təşkil etmişdi.
Gundelik.az
