Ağdam, Laçın və Cəbrayıl şəhərlərində 160 yerlik körpələr evi-uşaq bağçalarının tikintisi nəzərdə tutulur.
Gundelik.az-ın əldə etdiyi məlumata görə, bununla bağlı layihə-smeta sənədləri hazırlanacaq.
Sənədlər Ağdam şəhərində 3, 4, 5 və 6 nömrəli, həmçinin Laçın və Cəbrayıl şəhərlərində 160 yerlik körpələr evi-uşaq bağçalarının tikintisini əhatə edəcək.
Layihə-smeta sənədlərinin hazırlanması üçün 683 967,30 manat vəsait nəzərdə tutulub.
Qeyd edək ki, layihələrin hazırlanması Elm və Təhsil Nazirliyinin Təsərrüfathesablı Əsaslı Tikinti və Təchizat İdarəsinin sifarişi əsasında həyata keçiriləcək.
