ABŞ Prezidenti Donald Trampın administrasiyası Qəzza zolağına humanitar yardım daşıyan hərbi təyyarələr göndərməyəcək.
Bu barədə Gundelik.az “Reuters-ə istinadən xəbər verir.
“Prezident Tramp Qəzzada fələstinlilərə kömək etmək üçün kreativ həllər tapmağa çağırıb. Biz Qəzza xalqına ərzaq çatdırmaq üçün istənilən effektiv səyləri alqışlayırıq, eyni zamanda onu HƏMAS-ın əlindən kənarda saxlayırıq”, – “Reuters” Ağ Evə istinadən məlumat yayıb.
Ağ Evin humanitar yardım üçün hava dəhlizlərinin təşkilini mənasız və səmərəsiz hesab etdiyi bildirilir.
Bir müddət əvvəl ABŞ-nin vitse-prezidenti J.D.Vens Böyük Britaniyanın xarici işlər naziri Devid Lammi ilə görüşü zamanı ABŞ-nin Fələstini tanımağı planlaşdırmadığını və Fələstinin radikal HƏMAS hərəkatının məhv edilməli olduğuna inandığını bildirib.
Gundelik.az
