ABŞ İranın hədəf aldığı Səudiyyə Ərəbistanındakı vətəndaşlarına təhlükəsizlik səbəbi ilə ölkəni tərk etməyi tövsiyə edib. Bəyanatda deyilir: “ABŞ vətəndaşlarına təhlükəsiz səyahət edə bilsələr, kommersiya uçuşları ilə Səudiyyə Ərəbistanını tərk etməyi tövsiyə edirik”.ABŞ, İrandan artan təhlükəsizlik təhdidləri səbəbindən Səudiyyə Ərəbistanındakı vətəndaşlarını ölkəni tərk etməyə çağırdı.
SƏFİRLİKDƏN BƏYANAT.
ABŞ-ın Ər-Riyaddakı səfirliyi yazılı açıqlama yayaraq, Amerika vətəndaşlarına təhlükəsiz səyahət edə biləcəkləri təqdirdə Səudiyyə Ərəbistanını kommersiya uçuşları ilə tərk etmələrini tövsiyə edib.
HAVA MƏKANI AÇIQDIR, AMMA TƏHLÜKƏ DAVAM EDİR.
Bəyanatda Səudiyyə Ərəbistanının hava məkanının açıq qaldığı, lakin raket və dron təhdidləri səbəbindən hava nəqliyyatına məhdudiyyətlərin tətbiq olunduğu bildirilir. Həmçinin Ər-Riyad, Ciddə və Dammamdakı hava limanlarının tam işlək vəziyyətdə olduğu qeyd olunur.İran nə desə, onu da etdi.
ABŞ və İsrailin neft emalı zavodlarına hücumundan sonra, Səudiyyə Ərəbistanı, Birləşmiş Ərəb Əmirlikləri və Qətərdə cavab hücumları həyata keçirəcəyini açıqlayan İran dünən gecə bunu etdi. İran Səudiyyə Ərəbistanının paytaxtı Ər-Riyadda və Qətərdə neft emalı zavodlarına dron hücumları həyata keçirib. Bölgədə bir sıra partlayışlar baş verib. Qətər, İranın ölkənin ən vacib maye qaz müəssisələrinin yerləşdiyi və dünən raketlərlə vurulan Ras Laffan Sənaye Bölgəsinə daha bir hücum təşkil etdiyini və ərazidə yanğın baş verdiyini açıqlayıb.
“ONLAR SƏHV EDİRLƏR”
Səudiyyə Ərəbistanının xarici işlər naziri Feysəl bin Fərhan İranın Körfəz ölkələrinə hücumları ilə bağlı bildirib: “Əgər İran bizim cavab verməyəcəyimizi düşünürsə, yanılırlar”.
Mənbə: Haberler.com
Tərtib etdi: Jalə Əliyeva
Gundelik.az
