ABŞ iki çinli alimi “kənd təsərrüfatı terrorizmi”ndə ittiham edib.
Gundelik.az xarici mediaya istinadən xəbər verir ki, ciddi xəstəliklərə və milyardlarla dollar ziyana səbəb ola biləcək təhlükəli göbələyi qaçaqmalçılıq yolu ilə keçirməkdə günahlandırılan ikilinin Miçiqan Universitetinin laboratoriyasında qeyri-qanuni araşdırma aparmaq istədiyi iddia edilir.
Belə ki, ABŞ Ədliyyə Departamenti iki çinli alimin ciddi xəstəliklərə və milyardlarla dollarlıq kənd təsərrüfatı itkilərinə səbəb ola biləcək bir növ göbələyi qeyri-qanuni yolla idxal etməyə çalışdığını bildirib.
33 yaşlı Yunqing Jian və 34 yaşlı Zunyong Liu Miçiqan ştatının Şərq Bölgəsi Prokurorluğu tərəfindən “sui-qəsd, qaçaqmalçılıq, yalan ifadələr vermək və viza saxtakarlığı” ilə ittiham edilib.
Səlahiyyətlilər bildiriblər ki, Jian və Liu qaçaqmalçılıq yolu ilə ABŞ-a baş zədələrinə səbəb olan “Fusarium graminearum” göbələk keçiriblər. Göbələk buğdaya, arpaya,qarğıdalıvə düyü kimi əsas kənd təsərrüfatı məhsullarına təsir edərək böyük məhsul itkilərinə səbəb olur.
FTB bu göbələyin elmi mənbələrdə “potensial kənd təsərrüfatı terror silahı” kimi təsnif edildiyini qeyd edərək, sözügedən növün həm insanlar, həm də heyvanlar üçün ciddi sağlamlıq riskləri yaratdığını vurğulayıb, mədə, ürək bulanması, qaraciyərin zədələnməsi və reproduktiv problemlər kimi təsirlərinin olduğunu bildirib.
FTB-nin məlumatına görə, Zunyong Liu 2024-cü ilin iyulunda Detroit hava limanında şübhəli bitki nümunələri ilə tutulub. Dindirmə zamanı Liu əvvəlcə materialın nə olduğunu bilmədiyini desə də, daha sonra onları Miçiqan Universitetinin laboratoriyasında araşdırma üçün gətirdiyini etiraf edib.
Bildirilib ki, Yunqing Jian sözügedən laboratoriyada çalışıb və Liu daha əvvəl eyni universitetdə çalışıb.
ABŞ prokuroru Jr. Jerome Gorgon hadisəni “milli təhlükəsizlik problemi” adlandırdı və Jianın Çin Kommunist Partiyasının üzvü olduğunu qeyd etdi.
“Bu iki əcnəbi potensial aqro-terror silahını Amerikanın ürəyinə qaçaqmalçılıq yolu ilə keçirməkdə günahlandırılır. Görünür, onlar bu göbələk üzərində işlərini Miçiqan Universitetinin laboratoriyasında davam etdirmək istəyiblər”, – Qorqon deyib.
Gundelik.az
