Kral Charles III və Kraliça Camilla ABŞ-a dörd günlük rəsmi səfərə başlayıblar. Bu, 2007-ci ildə Queen Elizabeth II-nin səfərindən sonra ilk belə səfərdir.
Onlar Merilend ştatındakı hərbi bazaya endikdən sonra Ağ Evdə ABŞ prezidenti Donald Trump və birinci xanım Melania Trump tərəfindən qarşılanıblar.
Səfər, Vaşinqtonda prezidentin iştirak etdiyi tədbirdə baş verən silahlı insidentdən sonra gücləndirilmiş təhlükəsizlik tədbirləri fonunda keçirilir.
Kral Çarlz ABŞ Konqresində çıxış edəcək və bu çıxışında son hücumla bağlı həmrəylik ifadə etməsi gözlənilir. O, həmçinin beynəlxalq çağırışların artdığı bir dövrdə demokratik dəyərlərin qorunmasının vacibliyini vurğulayacaq.
Çıxışda ABŞ və Böyük Britaniya arasında mövcud fikir ayrılıqlarına baxmayaraq, iki ölkənin tarix boyu bir araya gəlməyi bacardığı qeyd olunacaq. Kral, münasibətlərin “barış və yenilənmə” əsasında gücləndirilməsinə çağıracaq, tolerantlıq, azadlıq və bərabərlik kimi ortaq dəyərləri ön plana çəkəcək.
Eyni zamanda o, bu prinsiplərin müdafiəsinin vacibliyini vurğulayaraq NATO-ya dəstək və Ukraynanın qorunması kimi məsələlərə toxunacaq.
Səfər çərçivəsində kral və kraliça ABŞ-dakı Britaniya səfirliyində 600-dən çox qonağın iştirak etdiyi tədbirə qatılıblar. Bu səfər, ABŞ-ın müstəqilliyinin 250 illiyi ərəfəsində iki ölkə arasındakı münasibətləri gücləndirməyə yönəlmiş “yumşaq güc” diplomatiyası kimi qiymətləndirilir.
Mənbə: BBC
Hazırladı: Ziyalə Əhmədli
Gundelik.az
