Gundelik.az bildirir ki, Vaşinqton – ABŞ-ın üç federal agentliyi Harvard Universitetinin antisemitizmə qarşı reaksiyası ilə bağlı hökumət və universitet arasındakı təxminən 9 milyard dollarlıq müqavilə və qrantları araşdırır.
ABŞ Təhsil Nazirliyi, Səhiyyə və İnsan Xidmətləri Nazirliyi və Ümumi Xidmətlər Administrasiyası bazar ertəsi verdikləri açıqlamada Harvard, onun filialları və federal hökumət arasında 8,7 milyard dollarlıq qrant və 255 milyon dollardan çox dəyərində müqavilənin nəzərdən keçirildiyini bildiriblər.
“Harvard nəsillər boyu Amerika Xəyalının simvolu olub – dünyanın hər yerindən tələbələr üçün çalışıb bu möhtəşəm instituta qəbul olunmaq ən böyük hədəf sayılıb”, – deyə ABŞ Təhsil naziri Linda Makmahon bəyanatında qeyd edib.
“Lakin Harvardın kampusunda antisemitik ayrı-seçkilikdən tələbələri qorumaqda uğursuz olması – eyni zamanda azad elmi araşdırma əvəzinə bölücü ideologiyaları təşviq etməsi – onun nüfuzunu ciddi şəkildə təhlükəyə atıb. Harvard bu səhvləri düzəldə bilər və akademik mükəmməlliyə və həqiqət axtarışına həsr olunmuş bir universitet kimi öz reputasiyasını bərpa edə bilər. Bütün tələbələr onun kampusunda özlərini təhlükəsiz hiss etməlidirlər”, – o əlavə edib.
Bu araşdırma, İsrail-HƏMAS müharibəsinə reaksiyalar fonunda ABŞ universitetlərində antisemitizmə qarşı mübarizə aparan federal işçi qrupunun son təşəbbüsüdür.
Gundelik.az
 |
ОтветитьПереслать |
