Gundelik.az xəbər verir ki, Narsiso Martinez təsəvvür etməzdi ki, bir gün supermarketdə atılmış banan qutusu onun sənət dünyasında tanınmasına səbəb olacaq. O, CostCo supermarketinə pizza almağa getmişdi. Ancaq moruq və yaşıl rəngli bir karton qutunun yerə atıldığını gördü və diqqətini çəkdi. “Onu emalatxanama aparmağa qərar verdim”, – deyə Martinez xatırlayır. Bu qutunu düzləşdirərək üzərinə çiyinlərində banan daşıyan bir fermerin şəklini çəkdi. Sinifdə bu əsərini təqdim edərkən aldığı reaksiya tam fərqli idi. Artıq texnika barədə suallar yox idi. Hamı bilmək istəyirdi ki, Martinez özü də heç banan yığıbmı və bu işin çətinliyi nədən ibarətdir. Beləliklə, atılmış karton qutular Martinez üçün sənət və sosial mesajın vəhdətinə çevrildi.
Gundelik.az
