Rusiya-Ukrayna müharibəsində sülhə ümidlərin artdığı bir vaxtda diqqətlər Ankaraya yönəlib. Türkiyə Prezidenti Rəcəb Tayyib Ərdoğan Ukrayna Prezidenti Vladimir Zelenskini qəbul edəcək. Görüşdə əsas müzakirə mövzusu İstanbulda sülh danışıqlarının yenidən canlandırılması olacaq.
Son günlər “Rusiya və Ukrayna arasında sülh danışıqları bərpa oluna bilərmi?” sualı yenidən gündəmə gəlib və prosesdə Türkiyənin vasitəçilik rolu xüsusi vurğulanır.
Zelenskinin Ankaraya yüksək səviyyəli səfəri bu il liderlərin üçüncü üz-üzə görüşü olacaq. Prezidentlik Komunikasiya üzrə koordinatordan Burhanəddin Duran bildirib ki, görüş Prezident Kompleksində keçiriləcək və əsas gündəm Rusiya-Ukrayna müharibəsidir.
Türkiyə müharibənin artıq dördüncü ilinə yaxınlaşdığı bir vaxtda tərəfləri ədalətli və davamlı sülh üçün bir araya gətirməyə çalışır. Bu çərçivədə Ərdoğan və Zelenski İstanbulda danışıqlar prosesinin bərpası üçün atıla biləcək addımları müzakirə edəcəklər. Rusiya ilə məhbus mübadiləsi məsələsinin də gündəmdə olacağı gözlənilir.
Görüşdə həmçinin Türkiyə-Ukrayna strateji tərəfdaşlığının bütün aspektləri nəzərdən keçiriləcək və iki ölkə arasında əməkdaşlığın daha da gücləndirilməsi istiqamətində addımlar dəyərləndiriləcək.
Gundelik.az
