Alimlərdən diqqətçəkən araşdırma: Yoğun bağırsaq xərçəngi niyə yenidən artır?
Tibb dünyasında narahatlıq doğuran yeni araşdırma yoğun bağırsaq xərçəngi ilə bağlı diqqətçəkən nəticələr ortaya qoyub. ABŞ-də aparılan tədqiqatlar xəstəliyin uzun müddət azaldıqdan sonra yenidən artmağa başladığını göstərir.
Gundelik.az-ın məlumatına görə, yayımlanan elmi məlumatda bildirilir ki, xəstəliyin artımı artıq yalnız gənc yaş qrupları ilə məhdudlaşmır. Tədqiqatçılar bu tendensiyanın səbəblərini araşdırmağa davam edirlər.
Mütəxəssislərin diqqətini çəkən əsas məqam odur ki, xəstəliyin artmasının arxasında hansı amillərin dayandığı hələ tam aydın deyil. Qidalanma vərdişləri, həyat tərzi, ətraf mühit faktorları və digər mümkün risk amilləri araşdırılır.
Həkimlər yoğun bağırsaq xərçənginin erkən aşkarlanmasının əhəmiyyətini xüsusi vurğulayırlar. Xəstəliyin ilkin mərhələlərində bəzən aydın simptomlar müşahidə olunmadığından, yaşa və fərdi risklərə uyğun müayinələrdən keçmək vacib hesab edilir.
Araşdırmanın nəticələri bir daha göstərir ki, sağlam həyat tərzi ilə yanaşı, profilaktik müayinələr də ciddi xəstəliklərin vaxtında aşkarlanmasında mühüm rol oynayır.
Qeyd edək ki, sözügedən araşdırma ABŞ-dəkı xəstəlik göstəricilərinə aiddir və nəticələri bütün ölkələrin əhalisinə eyni şəkildə şamil etmək olmaz.
Nuri
Gundelik.az