Türkiyənin Urfa şəhərində toyda 60 nəfər tortdan zəhərlənib.
Bu barədə Gundelik.az Türkiyənin “Birgün” nəşrinə istinadən xəbər verir.
“Toydan sonra evə gedən qonaqlar mədə ağrısı, ürəkbulanma və qusma şikayətlərinə başlayıblar. Qonaqlar zəhərləndiklərini anlayaraq xəstəxanaya müraciət ediblər. Gecə ərzində 60-a yaxın qonaq eyni şikayətlərlə xəstəxanaya müraciət edib”, – nəşr yazıb.
Məlunata görə, gəlin və bəy tortdan çox cüzi yedikləri üçün onlarda zəhərlənmə halı qeydə alınmayıb.
Hazırda zəhərlənənlərin müayinəsi davam etdirilir.
Faktla bağlı araşdırma aparılır.
Gundelik.az
