Türkiyənin TUSAŞ şirkəti 2028-ci ildə ölkənin Hərbi Hava Qüvvələrinə ilk təyyarəni təhvil vermək üçün beşinci nəsil Kaan döyüş təyyarəsi üzərində işləri sürətləndirəcək.
Gundelik.az xəbər verir ki, bu barədə “Defence News” yazıb.
TUSAŞ-ın baş direktoru Mustafa Dəmiroğlu bildirib ki, hazırda təyyarənin ikinci və üçüncü prototipləri yığılır. Ümumilikdə, sınaq üçün dörd təyyarə yığmağı planlaşdırırlar.
“İkinci prototipin tikintisi gələn ilin əvvəlində başa çatacaq və o, uçuş sınaqlarına başlayacaq. Biz indi birinci təyyarədə bəzi işləri həyata keçiririk. Biz onun üçüncü uçuşunu gözləyirik. Ola bilsin ki, avqustda və ya oktyabrdan əvvəl bu uçuş baştutacaq”, – o deyib.
Dəmiroğlunun sözlərinə görə, təyyarələrin tədarükü 2028-ci ilin sonunda başlaya bilər.
KAAN prototipləri və təyyarələrin ilk partiyası “Amerika General Electric F110” mühərriklərini alacaq. İstehsalçı onu 2032-ci ilə qədər türk enerji bloku ilə əvəz etməyi planlaşdırır.
Yeni təyyarə Türkiyə Hərbi Hava Qüvvələrinin köhnəlmiş “F-4E Phantom” və “F-16 Fighting Falcon” təyyarələrini əvəz edəcək.
Gundelik.az
