Gün ərzində çox düşünmək, davamlı diqqət tələb edən işlərlə məşğul olmaq və kifayət qədər dincəlməmək insanın özünü zehni cəhətdən tükənmiş hiss etməsinə səbəb olur. Güclü stress, yuxusuzluq və uzunmüddətli zehni yük yalnız diqqət və konsentrasiyaya deyil, dərinin görünüşünə də təsir göstərir.
Göz ətrafında şişkinlik
Yuxusuzluq və stress göz ətrafındakı damarların daha nəzərəçarpan görünməsinə və maye yığılması nəticəsində şişkinliyə səbəb olur. Buna görə də yorğun və yuxusuz günlərdən sonra göz ətrafı daha halsız görünür.
Dərinin mat və solğun görünməsi
Stress zamanı kortizol səviyyəsinin yüksəlməsi dərinin təbii balansına təsir göstərir. Buna yuxusuzluq və kifayət qədər maye qəbul etməmək də əlavə olunduqda dəri daha mat, quru və cansız görünür.
İncə qırışların daha nəzərəçarpan olması
Yuxu çatışmazlığı dərinin özünü yeniləmə prosesinə mənfi təsir göstərir. Xüsusilə susuzluq və stress fonunda göz ətrafı və alın nahiyəsindəki incə xətlər müvəqqəti olaraq daha aydın görünür.
Mütəxəssislər qeyd edirlər ki, nizamlı yuxu, kifayət qədər su içmək, balanslı qidalanmaq və stressi idarə etmək həm zehni toparlanmağa, həm də dərinin daha sağlam görünməsinə kömək edir.
Mənbə:CNN Türk
Hazırladı:Ziyalə Əhmədli
Gundelik.az
