Qırışların yaranmasında yaşlanma ilə yanaşı, günəş şüaları, oksidativ stress və dəridə kollagen itkisi də mühüm rol oynayır. Dəriyə qulluq məhsulu seçərkən yalnız marka və qiymətə deyil, tərkibində elmi şəkildə araşdırılmış komponentlərin olub-olmamasına da diqqət yetirmək vacibdir.
Dərinin zamanla elastikliyini itirməsi və incə cizgilərin daha görünən olması təbii prosesdir. Lakin bəzi təbii tərkiblər bu təsirləri azaltmağa və dərinin daha sağlam görünməsinə kömək edir.
1. Aloe vera
Aloe vera dərinin nəmlik səviyyəsini dəstəkləyən və sakitləşdirici xüsusiyyətləri ilə tanınır. Müntəzəm istifadə dərinin daha nəmli və elastik görünməsinə kömək edir.
2. Yaşıl çay
Yaşıl çay sərbəst radikalların yaratdığı oksidativ stresə qarşı dərini dəstəkləyən polifenollarla zəngindir. Tərkibindəki EGCG maddəsi dəri yaşlanması ilə əlaqəli proseslərə mümkün təsirləri baxımından araşdırılır.
3. C vitamini
C vitamini kollagen sintezində iştirak edən və güclü antioksidant təsir göstərən mühüm komponentdir. Dəriyə tətbiqi dərinin daha parlaq görünməsinə və incə cizgilərin görünüşünün azalmasına dəstək olur.
4. Jojoba yağı
Jojoba yağı dərinin nəm itirməsinin qarşısını almağa və dəri baryerini dəstəkləməyə kömək edir. Daha yaxşı nəmlənmiş dəridə incə cizgilər müvəqqəti olaraq daha az nəzərə çarpır.
Mənbə:CNN Türk
Hazırladı:Ziyalə Əhmədli
Gundelik.az
