Səkkiz “OPEC+” ölkəsi ötən ay könüllü azalmalar və kompensasiya nəzərə alınmaqla razılaşdırılmış plandan gündəlik 6,877 milyon barel az neft hasil edib.
Gundelik.az xəbər verir ki, bu barədə Neft İxrac Edən Ölkələr Təşkilatının (OPEC) hesabatında deyilir.
Razılaşmaya əsasən, əvvəllər aşılan hasilatı kompensasiya etməyə görə səkkiz ölkə mart ayında hasilatı fevral ayı ilə müqayisədə gündəlik 487 min barel azaltmalı idi. Planlaşdırılan istehsal səviyyəsi gündəlik 32.078 milyon barel olaraq müəyyən edilib. Əslində, istehsal fevral ayı ilə müqayisədə gündəlik 7.527 milyon barel azalaraq 25.201 milyon barelə çatıb. Beləliklə, ümumi istehsal müəyyən edilmiş plandan gündəlik 6.877 milyon barel az olub.
