Hazırda neft qiymətinin büdcədə nəzərədə tutulan 70 dollardan aşağı olması haqlı narahatlıq yaradır. Amma mövcud vəziyyət 2 səbəbdən elə də qorxulu deyil.
Gundelik.az xəbər verir ki, bu barədə iqtisadçı-ekspert Eldəniz Əmirov öz fikirlərini bölüşüb.
O, əvvəlcə 2025-ci ilin 1-ci rübündə Azərbaycan neftinin orta ixrac qiymətinin 77 dollar olduğunu xatırladıb: “Bu o deməkdir ki, əgər 2-ci rübdə orta qiymət 63 dollar olarsa, yarımillik orta qiymət elə büdcədə nəzərdə tutulan 70 dollara bərabər olacaq.
Yəni ilin ilk yarısında maliyyə tarazlığı hələ ki pozulmayacaq.
İkincisi, ABŞ-də Trampın tarif siyasətinin uğurlu olmadığı artıq öz təsdiqini tapdığı kimi, onun neft qiymətlərini aşağı salmaq üçün atdığı addımların da uzunmüddətli effekt verməyəcəyi artıq görünməkdədir”.
“Bu baxımdan, enerji bazarlarında qiymətlərin Azərbaycan büdcəsində ciddi fəsadlar yaradacaq səviyyədə kəskin və davamlı ucuzlaşacağını gözləmirəm”, – deyə iqtisadçı vurğulayıb.
Gundelik.az
