Ailə və Sosial Xidmətlər Naziri Mahinur Özdemir Göktaş bildirib ki, sosial media tənzimləməsi çərçivəsində sosial şəbəkə təminatçıları yaş doğrulama da daxil olmaqla bütün zəruri tədbirləri görərək 15 yaşdan kiçik uşaqlara xidmət göstərməyəcək.
Göktaş, bu barədə Prezident Recep Tayyip Erdoğanın rəhbərliyi ilə Prezidentlik Kompleksində keçirilən Kabinet Toplantısından sonra jurnalistlərin suallarını cavablandırıb.
Uşaqlara yönəlik sosial media tənzimləməsi ilə bağlı suala cavab olaraq Göktaş deyib ki, Sosial Xidmətlər Qanunu və bəzi qanunlarda dəyişiklik edilməsi haqqında qanun təklifi TBMM Sağlamlıq, Ailə, Əmək və Sosial İşlər Komissiyasında qəbul edilib.
O bildirib ki, rəqəmsal texnologiyaların sürətlə inkişafı və internetdən istifadə çox erkən yaşlarda başladığı üçün uşaqlar üçün böyük imkanlar yaratsa da, ciddi risklər də mövcuddur.
“Uşaqları bütün risklərdən, zərərli məzmundan qorumaq bizim əsas prioritetimizdir,” – deyə Göktaş vurğulayıb.
15 yaşdan kiçik uşaqlara xidmət qadağası
Göktaş bildirib ki, zərərli məzmunlar, virtual zorakılıq, şəxsi məlumatların pozulması və manipulyativ reklamlar uşaqların fiziki, emosional və psixoloji sağlamlığı üçün təhlükə yaradır.
O qeyd edib ki, sosial media platformalarında və onlayn oyunlarda qarşılaşılan uyğunsuz məzmun uşaqların inkişafına dərin təsir göstərə bilər.
Sosial şəbəkə təminatçıları və oyun platformaları 15 yaşdan kiçik uşaqlara xidmət göstərməyəcək.
Yaş doğrulama da daxil olmaqla zəruri tədbirlər görüləcək.
Ebeveyn nəzarət vasitələri təmin ediləcək, şikayətlərə isə sürətli və effektiv cavab veriləcək.
Aldatıcı reklamların qarşısı alınacaq.
Oyun platformaları oyunları yaş kateqoriyasına uyğun təqdim edəcək.
Günlük 100 mindən çox istifadəçisi olan oyun platformaları Türkiyədə nümayəndə təyin etməli olacaq.
Doğum və işçi icazələri
Doğum icazəsi 16 həftədən 24 həftəyə artırılacaq.
Babalıq icazəsində həm dövlət, həm də özəl sektorda 10 gün tətbiq ediləcək.
Qoruyucu ailələr uşağı qəbul etdikdə 10 günlük icazə hüququna sahib olacaq.
Uşaqların təhlükəsizliyi
Cinsi hücum, uşaq istismarı, narkotik ticarəti, müstəcenlik, fuhuş və digər ağır cinayətlərdə məhkum olmuş şəxslər uşaqların çox olduğu yerlərdə işləyə bilməyəcək.
Məqsəd uşaqların təhlükəsiz mühitdə böyüməsini təmin etməkdir.
Mənbə: TRT Haber
Hazırladı: Ziyalə Əhmədli
Gundelik.az
