1977-ci ildə kosmosa buraxılan “Voyager 1” 25 milyard kilometr məsafədə missiyasını davam etdirir.
Gundelik.az xarici mediaya istinadən xəbər verir ki, NASA mühəndisləri peyki uzun müddətli uğursuzluqdan sonra bərpa etməyi bacarıblar.
Belə ki, NASA mühəndisləri 2004-cü ildə sıradan çıxmış əsas itələyiciləri yenidən işə salmaq üçün riskli qərar qəbul ediblər.
Sistemin ətraflı müayinələri nəticəsində qızdırıcıları qidalandıran dövrədə problem ola biləcəyi müəyyən edilib.
Buna görə də əvvəlcə itələyicilər işə salınıb, sonra qızdırıcılar işə düşüb. 23 saatlıq ünsiyyət müddətindən sonra alınan məlumatlar sistemin uğurla işlədiyini təsdiqləyib.
Mütəxəssislər qeyd ediblər ki, bu müdaxilə uğursuz olsaydı, “Voyager 1” istiqamət idarəetməsini itirə bilərdi və missiyasını davam etdirə bilməzdi.
NASA-nın Reaktiv Hərəkət Laboratoriyasının missiya meneceri Todd Barber deyib: “Bu itələyicilər illərdir fəaliyyət göstərmirdi, lakin bir ağıllı mühəndisin ideyası sayəsində Voyager üçün bəlkə də başqa bir möcüzə baş verdi”.
Gundelik.az
