Hücumlar əsasən Qəzzanın şimal və cənub bölgələrindəki yaşayış evlərini hədəf alıb.İsrail ordusu yanvar ayında HƏMAS-la əldə edilən atəşkəs razılaşmasını pozaraq çərşənbə axşamından etibarən hava hücumlarını, çərşənbə günü isə quru əməliyyatlarını bərpa edib. Son üç gündə 510-dan çox insanın öldüyü bildirilir ki, onların yarısından çoxu qadın və uşaqlardır. Bu hücumlar beynəlxalq ictimaiyyət tərəfindən ciddi tənqidlərə məruz qalıb. BMT və digər beynəlxalq təşkilatlar mülki itkilərin artmasından narahatlıqlarını ifadə edərək, tərəfləri təmkinli olmağa və mülki şəxslərin qorunmasını təmin etməyə çağırıblar. Qəzzadakı səhiyyə rəsmiləri, hücumların əsasən yaşayış evlərinə yönəldiyini və nəticədə çox sayda qadın və uşağın həyatını itirdiyini bildirirlər. HƏMAS isə İsrailin quru əməliyyatlarını atəşkəsin pozulması kimi qiymətləndirərək, bunu qınayıb.
Gundelik.az
