Gundelik.az xəbər verir ki, “Sərhədsiz Həkimlər” (MSF) təşkilatı İsrailin işğal altındakı İordan çayının Qərb Sahilində apardığı genişmiqyaslı hücumları dayandırmağa çağırıb. Bu hücumlar nəticəsində onlarla fələstinli həlak olub, 44 mindən çox insan isə evlərini tərk etmək məcburiyyətində qalıb.MSF, yerindən didərgin düşmüş fələstinlilərin vəziyyətini “son dərəcə ağır” adlandırıb və onların sığınacaqsız, əsas xidmətlərdən və səhiyyə imkanlarından məhrum qaldıqlarını bildirib.Təşkilatın açıqlamasına görə, bu miqyasda məcburi köçkünlük və düşərgələrin dağıdılması Qərb Sahilində onilliklərdir görünməyib. Eyni zamanda, bölgədəki psixi sağlamlıq vəziyyətinin “təhlükəli həddə çatdığı” vurğulanıb. MSF-in Əməliyyatlar Direktoru Bris de la Vinye bəyan edib ki, “İsrail qüvvələri düşərgələrə girişi bağlayaraq evləri və infrastrukturu məhv etdiyindən, insanlar evlərinə qayıda bilmir. İsrail bu hücumları dərhal dayandırmalıdır və humanitar yardım səyləri artırılmalıdır.
Gundelik.az
