Hindistan və Pakistan qoşunlarını öz sərhədlərindən çıxarmağı nəzərdən keçirəcək.
Gundelik.az xəbər verir ki, bu barədə iki ölkənin hərbi əməliyyat komandirləri arasında aparılan danışıqların yekunları üzrə ANI agentliyi məlumat yayıb.
“Qərara alınıb ki, hər iki tərəf sərhədlərdə və irəli bölgələrdə qoşunların ixtisarını təmin etmək üçün təxirəsalınmaz tədbirləri nəzərdən keçirsin”, – nəşr yazır.
Bundan əlavə, bildirilib ki, tərəflər atəşkəs rejiminə riayət olunmasını müzakirə edib və bir-birinə qarşı hər hansı təcavüzkar və düşmənçilik hərəkətlərinə başlamaqdan imtina etdiklərini təsdiqləyiblər.
Bundan əvvəl Hindistan Pakistanla sərhəd yaxınlığındakı Çenab çayının bəndinin şlüz qapılarını açıb və bununla da ölkəyə su axını bərpa edilib.
Cammu və Kəşmir bölgəsində yaraqlıların turistlərə atəş açdığı terror aktından sonra Hindistan Sindoor əməliyyatına başlayıb və Pakistandakı terrorçu düşərgələrinə zərbələr endirib. Mayın 8-də hər iki ölkə yüzdən çox döyüşçünün iştirak etdiyi müasir aviasiya tarixində ən böyük döyüşlərdən birini keçirib.
Gundelik.az
