Böyük Britaniyadakı mütəxəssislər süni intellekt “chatbot”larının bəzi istifadəçiləri psixoza sövq etdiyini deyirlər.
Gundelik.az xəbər verir ki, bu barədə Böyük Britaniyanın Milli Səhiyyə Xidməti (NHS) məlumat yayıb.
Tədqiqatçılar xəbərdarlıq edirlər ki, böyük dil modelləri reallıq qavrayışını poza, potensial olaraq psixozlara səbəb ola və ya mövcud simptomları gücləndirə bilər.
London Kral Kollecinin nöropsikiyatristi Hamilton Morrin bunu “əsl fenomen” kimi xarakterizə edib O, qeyd edib ki, süni intellektin istifadəçini təsdiqləyən, interaktiv və davranışı təqlid edən təbiəti psixozla əlaqəli zehni zəifliklərlə təhlükəli şəkildə qarşılıqlı təsir göstərə bilər.
Morrinə görə, biz artıq maşınlarla bağlı yaranan aldatmalarla deyil, onlarla yanaşı inkişaf edən aldatmalarla qarşılaşırıq. Başqa sözlə, fərdlər təkcə maşınlar haqqında xəyal qurmurlar, bu aldatmalar onlarla qarşılıqlı əlaqədə olduqda dərinləşir.
Tədqiqatın digər müəllifi Doktor Tom Pollack psixiatrik xəstəliklərin nadir hallarda qəfil başlandığını vurğulayır. Bununla belə, o, süni intellekt “chatbot”larının xüsusilə həssas şəxslərdə bu prosesi suretlendirəcəyini söyləyib.
Pollack süni intellekt sistemlərinə daha çox təhlükəsizlik təbəqələrinin əlavə edilməli olduğunu və təhlükəsizlik qruplarına psixiatrların daxil edilməsi lazım olduğunu bildirdi.
“OpenAI” daha əvvəl bildirmişdi ki, insanların süni intellektdən necə istifadə etməsində həssaslıq və təhlükəsizlik standartlarının artırılması lazımdır. “OpenAI”nin CEO-su Sam Altman may ayında bir podkastda psixoloji cəhətdən kövrək olan ChatGPT istifadəçilərinə lazımi xəbərdarlıqları necə çatdıracaqlarını hələ başa düşmədiklərini söyləyib.
Gundelik.az
